රීන්ලන්තය අත්පත් කර ගැනීම සඳහා යුදමය ක්රියාමාර්ග ඇතුළු විවිධ විකල්ප සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් සාකච්ඡා කරමින් සිටින බව ධවල මන්දිරය නිවේදනය කරයි.
ඩෙන්මාර්කයට අයත් මෙම අර්ධ ස්වයං පාලන කලාපය අත්පත් කර ගැනීම අමෙරිකාවේ "ජාතික ආරක්ෂක ප්රමුඛතාවයක්" ලෙස ධවල මන්දිරය හඳුන්වා දී ඇත.
මෙම විදේශ ප්රතිපත්ති ඉලක්කය සපුරා ගැනීම සඳහා සේනාධිනායකයා ලෙස අමෙරිකානු හමුදාව භාවිතා කිරීමේ විකල්පය සැමවිටම පවතින බව ධවල මන්දිරය සඳහන් කරයි.
කෙසේ වෙතත්, මෙම ප්රකාශයත් සමඟ යුරෝපා නායකයන් ඩෙන්මාර්කය වෙත සිය සහයෝගය පළ කර ඇති අතර, අමෙරිකාව විසින් එල්ල කරනු ලබන ඕනෑම ප්රහාරයක් නේටෝ (NATO) සංවිධානයේ අවසානය සනිටුහන් කරනු ඇතැයි ඩෙන්මාර්ක අගමැතිනී මෙටේ ෆ්රෙඩ්රික්සන් අනතුරු අඟවා තිබේ.
බ්රිතාන්යය, ප්රංශය, ජර්මනිය, ඉතාලිය, පෝලන්තය සහ ස්පාඤ්ඤය යන රටවල නායකයන් ඒකාබද්ධ ප්රකාශයක් නිකුත් කරමින් අවධාරණය කළේ ග්රීන්ලන්තය එහි ජනතාවට අයිති බවත්, එහි ස්වෛරීභාවය සහ භූමියේ අඛණ්ඩතාව සුරැකිය යුතු බවත්ය.
ආක්ටික් කලාපයේ ආරක්ෂාව සම්බන්ධයෙන් අමෙරිකාව දක්වන උනන්දුව තමන් ද දරන නමුත්, එය නේටෝ මිත්ර රටවල් සමඟ සාමූහිකව සිදු කළ යුතු බව එම රටවල් පෙන්වා දෙයි.
ආක්ටික් කලාපයේ උපායමාර්ගික මධ්යස්ථානයක් ලෙස ග්රීන්ලන්තය සතු වැදගත්කම සහ එහි ඇති නොඉඳුල් දුර්ලභ ඛනිජ සම්පත් කෙරෙහි අමෙරිකාවේ දැඩි අවධානයක් යොමුව ඇත.
විශේෂයෙන් රුසියාව සහ චීනය මෙම කලාපය තුළ සිය ක්රියාකාරකම් වැඩි කිරීම අමෙරිකාවේ සහ නේටෝ හවුල්කරුවන්ගේ කනස්සල්ලට හේතු වී තිබේ.
ග්රීන්ලන්තය සෘජුවම මිලදී ගැනීම හෝ නිදහස් සංගමයක ගිවිසුමකට එළඹීම අමෙරිකාව සතු අනෙකුත් විකල්ප බව වාර්තා වේ.
අමෙරිකානු රාජ්ය ලේකම් මාර්කෝ රූබියෝ පවසා ඇත්තේ ග්රීන්ලන්තය ආක්රමණය කිරීමේ සැලසුමක් නොමැති වුවද, එය මිලදී ගැනීම සම්බන්ධයෙන් සාකච්ඡා පවතින බවයි.
මේ අතර, අමෙරිකානු ආරක්ෂක ලේකම් පීට් හෙග්සෙත් සඳහන් කළේ අවශ්ය වුවහොත් බලහත්කාරයෙන් ග්රීන්ලන්තය අත්පත් කර ගැනීමට පවා පෙන්ටගනය සතුව සැලසුම් පවතින බවයි.
ග්රීන්ලන්තයේ 57,000ක් වන ජනගහනයෙන් බහුතරය අමෙරිකාවේ කොටසක් වීමට දැඩි ලෙස විරුද්ධ වෙති. තමන් භාණ්ඩයක් ලෙස සලකා අත්පත් කර ගැනීමට උත්සාහ කිරීම පිළිබඳව ප්රදේශවාසීන් දැඩි බියක් සහ කනස්සල්ලක් පළ කර තිබේ. ග්රීන්ලන්තයේ අගමැති ජෙන්ස්-ෆෙඩ්රික් නීල්සන් පවසා ඇත්තේ ඕනෑම සාකච්ඡාවක් ජාත්යන්තර නීතියට සහ ග්රීන්ලන්තයේ භූමිය පිළිබඳ අයිතියට ගරු කරමින් සිදු විය යුතු බවයි
ආක්ටික් කලාපයේ උපායමාර්ගික මධ්යස්ථානයක් ලෙස ක්රියා කිරීමට ග්රීන්ලන්තයට ඇති හැකියාව කෙරෙහි අමෙරිකාවේ දැඩි උනන්දුවක් පවතී. දැනටමත් අමෙරිකානු හමුදා කඳවුරක් මෙම දූපතේ ස්ථාපිත කර ඇත.
ආක්ටික් කලාපය තුළ අමෙරිකාවේ පොදු ප්රතිවාදීන් වන රුසියාව සහ චීනය වැඩි වශයෙන් ක්රියාකාරී වීම අමෙරිකාවේ මෙන්ම නේටෝ (NATO) හවුල්කරුවන්ගේ ද කනස්සල්ලට හේතු වී තිබේ.
ග්රීන්ලන්තය සතුව මෙතෙක් ප්රයෝජනයට නොගත් දුර්ලභ ඛනිජ සම්පත් පවතින අතර, ගෝලීය උණුසුම නිසා අයිස් දියවීමත් සමඟ කලාපය තුළ නව වෙළඳ මාර්ග විවෘත වීමේ හැකියාව ද අමෙරිකාවට වැදගත් වේ.
ජනාධිපති ට්රම්ප් අවධාරණය කර ඇත්තේ ආරක්ෂක හේතූන් මත අමෙරිකාවට ග්රීන්ලන්තය "අවශ්ය" බවයි. මේ නිසාම මෙය වැදගත් විදේශ ප්රතිපත්ති ඉලක්කයක් ලෙස ධවල මන්දිරය හඳුන්වා දී ඇත.
මූලාශ්රවලට අනුව, අමෙරිකාව මෙය දකින්නේ හුදෙක් ඉඩම් ගනුදෙනුවකට වඩා වැඩි යමක් ලෙස වන අතර, එය බටහිර ශිෂ්ටාචාරයේ සහ අමෙරිකාවේ ශක්තිය තහවුරු කරන පියවරක් ලෙස ද සමහර අමෙරිකානු දේශපාලනඥයන් පෙන්වා දෙයි
