.jpg)
අසල්වැසි ඉන්දියාවේ කාශ්මීර ප්රදේශය අද දවසේ මහත් භීතියකට පත් කරමින් ප්රබල භූ කම්පනයක් සිදුව තිබෙනවා.
රික්ටර් මාපකයේ 5.7 ක අගයක් සටහන් කළ මෙම කම්පනය නිසා මුළු ප්රදේශයම සලිත වී ඇති බවයි විදෙස් මාධ්ය වාර්තා කරන්නේ.
මෙම භූ කම්පනයේ ඇති සුවිශේෂීම සහ බොහෝ දෙනෙකුගේ අවධානය දිනාගත් කරුණ වන්නේ එහි කේන්ද්රය පිහිටි ස්ථානයයි. සාමාන්යයෙන් භූ කම්පන පොළොව මතුපිටට ආසන්නව සිදුවන විට මහා විනාශයන් සිදු වුවත්, මෙම කම්පනය සිදුව ඇත්තේ භූ මතුපිට සිට කිලෝමීටර් 171 ක් වැනි අති විශාල ගැඹුරකිනි. මේ නිසාම එහි ප්රබලත්වය මතුපිටට දැනුණත් සිදුවිය හැකිව තිබූ මහා විනාශය වැළකී ගොස් ඇති බව විද්යාඥයන් පවසනවා.
ප්රබල කම්පනයක් වුවත්, වාසනාවකට මෙන් මේ දක්වා කිසිදු ජීවිත හානියක් හෝ දේපළ හානියක් වාර්තා වී නොමැති වීම ලොකු සහනයක්. නමුත් කම්පනය දැනුණු සැනින් මිනිසුන් නිවෙස්වලින් එළියට දිව ගොස් ඇත්තේ මහා විනාශයක් සිදුවේ යැයි යන බියෙනුයි.
විදෙස් මාධ්ය පවසන පරිදි, මේ සම්බන්ධයෙන් බලධාරීන් තවදුරටත් අවධානයෙන් පසුවන අතර මෙය තවත් විශාල කම්පනයක පෙර නිමිත්තක්ද යන්න පිළිබඳවද පරීක්ෂණ පවත්වනවා.