අමෙරිකාවේ රෝඩ් අයිලන්ඩ් හි පිහිටි බ්රවුන් විශ්ව විද්යාලයේ සිදුවූ වෙඩි තැබීමකින් සිසුන් දෙදෙනෙකු මිය ගොස් ඇති අතර, තවත් පුද්ගලයන් නව දෙනෙකුට තුවාල සිදු වී ඇතැයි එරට වාර්තා පවසනවා.
තුවාල ලැබූවන්ගෙන් ඇතැමෙක් රෝහල්වල අසාධ්ය තත්ත්වයේ පසුවන අතර, ආපදාවට ලක්වූවන්ගේ සංඛ්යාව ඉහළ යා හැකි බවයි ප්රොවිඩන්ස් නගරාධිපති බ්රෙට් ස්මයිලි අනතුරු අඟවන්නේ.
වෙඩි තැබීම සිදුව ඇත්තේ බාරස් සහ හොලී ගොඩනැගිල්ලේ පළමු මහලේ පන්ති කාමරයකයි.
සැකකරු පලාගොස් ඇති අතර, ඔහු සම්පූර්ණයෙන්ම කළු පැහැයෙන් සැරසුණු පිරිමි පුද්ගලයෙක් බවත් පොලිසිය පවසනවා.
වෙඩි තැබීමට යොදාගත් ආයුධය මෙතෙක් සොයාගෙන නැහැ.
පොලිස් ප්රධානියා පවසන්නේ මෙය ත්රස්තවාදී ක්රියාවක් දැයි හෝ තුවක්කුකරුට වෙනත් අයෙකුගෙන් උපකාර ලැබුණේ දැයි තවමත් නොදන්නා බවයි.
වෙඩි තැබීමට සම්බන්ධ නැතැයි තීරණය කිරීමෙන් පසු අත්අඩංගුවට ගත් එක් පුද්ගලයෙකු මුදා හැර තිබුණා.
ජනාධිපති ඩොනල්ඩ් ට්රම්ප්ට මෙම වෙඩි තැබීම පිළිබඳව දැනුම් දී තිබෙන බව ද සඳහන්.
විභාග පැවැත්වීම හේතුවෙන් බාරස් සහ හොලී ගොඩනැගිල්ලේ දොරවල් විවෘතව තිබූ බව නගරාධිපති බ්රෙට් ස්මයිලි සඳහන් කළා. මෙයින් අදහස් කළේ ඕනෑම කෙනෙකුට ගොඩනැගිල්ලට ඇතුළු වීමට ඉඩ තිබූ බවයි.
බ්රවුන් විශ්ව විද්යාලයේ බොහෝ ගොඩනැගිලි සඳහා කාඩ් පතක් swipe කිරීමේ ප්රවේශය අවශ්ය වුවද, වෙඩි තැබීම සිදුවූ ස්ථානයේ තත්ත්වය එය දැයි පැහැදිලි නැහැ.
විශ්ව විද්යාලයීය භූමියේ ආරක්ෂාව පිළිබඳව සමාලෝචනයක් සිදු කිරීමට නියමිත බව බලධාරීන් පවසා තිබෙනවා.
මේ වන විටත් බ්රවුන් විශ්ව විද්යාල ප්රදේශය සඳහා අනතුරු ඇඟවීමක් ක්රියාත්මක වෙමින් පවතින බව ද සඳහන්.
Tags
විදෙස්